Guat morgn Sonn
und guat morgn woikn
guat morgn lem
du bist eher schief ois ebn
und die vegä san schiach
und die leit san so bled
und oiwa is um mi herum a bleds gred
und da urlaub is zkurz
und die hondschuach san zkloa
und as göd vo da wochn des is a scho laar
prüfung schlecht gloffn
frotzn san zlaut
eier vergessn und kuchn verhaut
und rucknweh hob i
und wüst mi ned pflegn
i wea scho dru sterbm, du weast as scho segn
samma pessimistisch
weil des bei uns so pflicht is