Ma muaß si amoi wos gönnen
weil ma sonst jo nix hot.
deaf ned zvü orweitn im Lebm,
weil dafür is es vüz schod.
und wenns lei 5 Minuten san
die ma in sich geht
oda 10 min länger
die ma mim Nochbor redt.
Und wer moant auf da Oim hot ma sei Ruah
der hot si ziemlich gschnittn
weil do lebn a no a poor Kia auf der Hittn.
und Kia muaß ma möchn, do kimb ma ned umma
und die Möchmaschin lafft leider a ned ois a stumma.
Do kannt ma moana, weil ma da oanzige is ,
der am Zündschlüssl draht.
dass ma sie die Zeit söm eiteilt
monchmoi zfria, monchmoi zspat
owa na ma is do ned da eigene Ruah Regulator
ma deaf nämlich ned vergessen,
da Nochbor hot a no an Generator.
und oiwä, wenn ma moant, dass ma no 5 Minuten länger schlofn ku,
genau donn, genau donn wirft da Toni sein Generator u.
Brummmmmmmmmmm